''დიტო'' - სანდრა მ. ჰამფის მიხედვით (ადაპტირებული ვარიანტი)

გაკვეთილის გეგმა
პედაგოგი: მაია გვიშიანი
საგანი:  ქართული ენა და ლიტერატურა	კლასი:  VI
თემა: “დიტო“ - სანდრა მ. ჰამფრის მიხედვით (ადაპტირებული ვარიანტი).	დრო:  45  წუთი
გაკვეთილის ამოცანები/სწავლის შედეგები (ცოდნა, უნარ-ჩვევები, დამოკიდებულებები)               მოსწავლეები წაიკითხავენ მხატვრულ ტექსტს, განუვითარდებათ ტექსტის გაგება-გაანალიზების, საჭირო ინფორმაციის ამოკრეფის, დახარისხების, სქემატურად წარმოდგენის, მსჯელობის უნარი; იმუშავებენ უცნობ ლექსიკურ ერთეულებზე და ამოიცნობენ მათ კონტექსტის მიხედვით; ზეპირად და წერილობით გამოთქვამენ მოსაზრებებს პერსონაჟისა და მისი პრობლემის შესახებ.
ეროვნული სასწავლო გეგმის სტანდარტი ქართ. VI. 7. მოსწავლეს შეუძლია სხვადასხვა სახის მხატვრული და არამხატვრული ტექსტების წაკითხვა და გაგება-გაანალიზება. ქართ. VI. 9. მოსწავლეს შეუძლია პირად გამოცდილებაზე დაყრდნობით იმსჯელოს ნაწარმოებში ასახული მისთვის გასაგები და მნიშვნელოვანი პრობლემების შესახებ. ქართ. VI. 5. მოსწავლეს შეუძლია დისკუსიაში მონაწილეობის ჯგუფური და ინდივიდუალური სტრატეგიების ეფექტურად გამოყენება. ქართ. VI. 15. მოსწავლეს შეუძლია სხვადასხვა სახის  მიზნობრივი ტექსტების დამოუკიდებლად შექმნა.
მოსწავლეთა ორგანიზების ფორმები: მოსწავლეები მუშაობენ შერეულ ჯგუფებში; მოსწავლეები მუშაობენ ინდივიდუალურად; მასწავლებელი მუშაობს მთელ კლასთან.
გაკვეთილზე გამოყენებული ძირითადი მეთოდები და აქტივობები:   გონებრივი იერიში, საჩვენებელი ხმამაღლა კითხვა მოსწავლეებისათვის, ჩუმი ინდივიდუალური კითხვა, ვიზუალური სქემების შევსება, დისკუსია წაკითხული ნაწარმოების მიხედვით.
სასწავლო მასალა და რესურსები( ტექსტი, თვალსაჩინოება, მულტიმედია, ინტერნეტრესურსი და სხვა) ტექსტი „დიტო“, ვიზუალური სქემები, თვალსაჩინოება.

გაკვეთილის მსვლელობა

I ფაზა - წაკითხვისთვის მომზადება მასწავლებელი გააცნობს მოსწავლეებს შესასრულებელ სამუშაოს, კერძოდ, მათ ჯგუფებში უნდა წაიკითხონ ტექსტი და შეავსონ განსხვავებული სქემები, გამოკვეთონ პრობლემა, იმსჯელონ და მოძებნონ პრობლემის გადაჭრის გზები. ტექსტზე მუშაობის დაწყებამდე მასწავლებელი სვამს რამდენიმე კითხვას: კლასში გვყავს სხვა სკოლიდან გადმოსული მოსწავლე, რა მოლოდინი ჰქონდა მას, როცა ახალ ამხანაგებთან შესახვედრად ემზადებოდა? გამართლდა თუ არა მისი მოლოდინი?  მასწავლებელი აჩვენებს ტექსტს, კითხულობს სათაურს. გაახსენებს მოსწავლეებს შესწავლილ ტექსტებს, რომელთაც მსგავსი სათაური ჰქონდა, რა იყო მათში აღწერილი? მასწავლებელი  აჩვენებს სურათს, სთხოვს მოსწავლეებს , გამოთქვან ვარაუდი - რას ეუბნება მათ ეს სურათი? რა ემოციას გამოხატავს ბიჭი?  მოსწავლეები გამოთქვამენ ვარაუდებს.

II ფაზა _ კითხვის დროს მასწავლებელი ხმამაღლა კითხულობს ტექსტის შესავალ ნაწილს, კლასის გააქტიურების მიზნით სვამს შეკითხვებს, რამდენად გაიგეს მოსწავლეებმა წაკითხული. შეაჯამებს ამ ნაწილს და გადადის მომდევნო აქტივობაზე. მოსწავლეებმა ჯგუფებში უნდა წაიკითხონ ტექსტი და შეასრულონ ძირითადი დავალებები: I ჯგუფი  4-5 წინადადებით გადმოსცემს ტექსტის შინაარსს; II, III და IV ჯგუფები იმუშავებენ ვიზუალური სქემების შევსებაზე, ყველა ჯგუფი შეავსებს „სიტყვის პირამიდას“. მოსწავლეები ასრულებენ დავალებას, მასწავლებელი ეხმარება მინიშნებებითა და რჩევებით. თუ რომელიმე ჯგუფი ადრე ამთავრებს სამუშაოს, შეიძლება, მიეცეს აქტივობის ბარათი.

III ფაზა - წაკითხვის შემდეგ მას შემდეგ, რაც მოსწავლეები დაასრულებენ მუშაობას, კლასის წინაშე აკეთებენ ნამუშევრების პრეზენტაციას. მოკლედ მიმოიხილავენ ნაწარმოების შინაარსს, ხსნიან უცნობ ლექსიკურ ერთეულებს, ახასიათებენ გმირს, გამოკვეთენ პრობლემას, მსჯელობენ მისი მოგვარების გზებზე. ნამუშევრების წარმოდგენის შემდეგ იმართება მცირე დისკუსია. მასწავლებელი სვამს კითხვებს: როგორ ფიქრობთ, რატომ ქმნიან ბავშვები დაჯგუფებებს? თქვენს კლასში თუ არის დაჯგუფებები? გაკვეთილის შესაჯამებლად მასწავლებელი სვამს კითხვებს: საინტერესო იყო თუ არა ტექსტი და მასზე მუშაობა? რატომ? რა ასწავლათ ტექსტმა? საშინაო დავალება:  მისწერეთ წერილი დიტოს, გაუზიარეთ თქვენი მოსაზრებები და ურჩიეთ, როგორ მოაგვაროს პრობლემა.

შეფასება:   ვაფასებ ჯგუფში მოსწავლეთა ჩართულობას  შემდეგი სქემის მიხედვით: შეფასების კრიტერიუმები ყველა 3 უმეტესობა 2 ზოგიერთი 1/ კარგი 3 საშუალო 2 სუსტი 1 ჩართულობა თანამშრომლობა ( აზრის გამოხატვის თანაბარი პირობები, ერთმანეთის მოსმენა) პრეზენტაცია დროის ლიმიტი დავალების შესრულება